Автоимуните болести претставуваат голем проблем на модерната цивилизација.
Постојат многу теории за тоа како настануваат, а повеќето од нив се поврзани со исхраната. Постојат повеќе од осумдесет автоимуни болести, но најзастапени се десет:
- Дијабетес тип 1
- Ревматоиден артритис
- Псоријаза
- Мултиплекс склероза
- Инфламаторна болест на дебелото црево(улцерозен колитис)
- Системски еритематозен лупус
- Адисонова болест
- Грајвесова болест
- Сјогренов синдром
- Хашимото тироидитис
Универзално решение за сите автоимуни болести не постои.
Некои од нив може да се контролираат со урамнотежена исхрана.Урамнотежената исхрана треба да вклучува:овошје,зеленчук,целозрнести житарици,нискомаслени млечни производи и здрави масти (екстра девствено маслиново масло и авокадо).
Храната богата со омега 3 масни киселини помага во намалување на воспалението.
Многу важно е редовното внесување на магнезиум (375mg дневно).
Толчницата или тушт е растение кое е најбогато со магнезиум,може да се користи во варена форма или како свежа салата.
Богати со магнезиум се семето од афион и сточниот грашок.
Маслото од црна рибизла содржи гама линоленска киселина(GLA), која е многу корисна кај мултиплакс склероза, но и кај сите други автоимуни заболувања.
Гама линоленска киселина содржат и боранијата и маслото од јаглика.
Гинкото содржи терпенски молекули (гинколиди) кои го намалуваат воспалението и ги ублажуваат алергиските процеси кај автоимуните заболувања.
На пациентите со автоимуни болести им се препорачува автоимуна диета, исхрана која содржи намирници способни да се борат против воспалението и да избегнуваат намирници кои имаат висок фактор на воспаление.
Препорака од нутриционистите за овие пациенти е примена на некој од следниве типови на исхрана:
- исхрана со автоимун протокол
- антиинфламаторна исхрана
- исхрана на растителна база
- исхрана без глутен
Исхраната со автоимун протокол уште се нарекува Палео исхрана.
Намирници кои треба да се избегнуваат се:
- житарки мешунки
- млечни производи
- преработена храна и рафинирани шеќери.
Според протоколот на овојтип на исхрана се елиминираат различни групи на храна кои прават воспаление, а потоа постепено се враќаат назад.
Антиинфламаторната исхрана е многу слична на медитеранската исхрана.
Овојтип на исхрана подразбира:морска риба,маслиново масло,овошје,зеленчук,ореви,мешунки,семиња.
Исхраната без глутен се препорачува кај пациенти со целиакија,но помага и кај пациенти со други автоимуни заболувања.
Глутенот е протеин којго содржат пченицата,’ржот и јачменот.
Правилната,адекватна и урамнотежена исхрана во голема мера го подобруваат квалитетот на животот на пациентите со автоимуни заболувања.
Конзумирањето на разновидна храна која во голем процент вклучува:овошје,зеленчук,немасно месо,риба и интегрални житарици им помага на пациентите со автоимуни заболувања да се чувствуваат поздраво и со повеќе енергија.
