Како што доаѓаат топлите денови, така се појавува и желбата за витко тело за престојното лето. Во потрага за идеалното решение за топење на мастите и намалување на телесната тежина ќе дојдете до безброј информации, диети, совети кои најчесто ќе ве збунат.
Напротив целиот процес може да биде едноставен, забавен и вкусен.
Како што доаѓаат топлите денови, така се појавува и желбата за витко тело за престојното лето. Во потрага за идеалното решение за топење на мастите и намалување на телесната тежина ќе дојдете до безброј информации, диети, совети кои најчесто ќе ве збунат. Напротив целиот процес може да биде едноставен, забавен и вкусен.
Како до посакуваниот резултат?
- Направете визија за целта која сакате да ја постигнете и бидете дисциплинирани следните месеци, упорноста е неопходна.
- Јадете бавно – соџвакувајте бавно, се додека храната не е целосно соџвакана. Ни треба време да се чувствуваме полни. Со тоа ќе уживате во храната и ќе се најадете со помала количина храна.
- Исфрлете ги преработените продукти од вашата исхрана. Тука спаѓа брзата храна, грицките, продукти од бело брашно, слатки работи, газираните пијалоци, алкохолот.
- Јадете само полни оброци, не ги прескокнувајте истите, вклучете протеини во секој оброк, тие ве заситуваат подолго време. Меѓу оброците дозволете си овошје и мала количина јаткасти плодови. Планирајте ги оброците предвреме, додавајте зачини во истите, уживајте во јадењето.
- Внесувајте повеќе вода, како што помага за функционирањето на организмот, така му дава чувство на телото дека е заситено, воедно жедта може да предизвика чувство на глад.
- Мерете ја тежината редовно, и мала промена е постигнат резултат. Со мерењето ќе знаете дали рутината која ја применувате делува или треба да направите некои измени во истата.
- Физичка активност – како што внесуваме калории, така и треба да ги потрошиме. Телото ни ги троши калориите со секојдневните функции, но кога е во прашање намалувањето на телесна тежина потребно е дополнително физичка активност секојдневно во зависност од можностите. Вежбањето со тежини, односно теретана е еден од најдобрите начини за трошење енергија, односно калории. Прошетка, лесен џогинг, возење велосипеф исто така ќе ви помогне.
- Дополнително помага и конзумирањето зелен чај. Го подига нивото на антиоксиданси во телото и неговите биоактивни супстанци влијаат позитивно ма метаболизмот. Исто така неговите соединенија го зголемуваат нивото на хормони чија функција е да ги разградуваат мастите со што истите се користат како енергија.
- Внесувањето доволно витамини покрај тоа што го одржува имунитетот, одредени витамини можат да ви помогнат во намалувањето на телесната тежина.
Витамин Б- примарната функција на витамините Б, специфично Б12 е да ја претвара храната во енергија. Б витамините влијаат на мозочната функција, енергијата на телото и на кардиоваскуларниот систем. Се наоѓаат во јајца, жита, банани. Исто така Б12 му помага на телото да произведува цевени крвни клетки и да носи кислород до мускулите, што е значајно за зголемување на силата, која ќе ви биде потребна за физичките активности.
Витамин Д- ја одржува цврстината на коските и ги регулира хормоните. Некои истражувања тврдат дека помага и во намалувањето на тежината. Доволната количина на витамин Д ја внесувате преку сонцето, но во периоди кога нема сончева светлина потребно е да внесувате суплементи.
Железо- произведува енергија од хранливите состојки и пренесува кислород до клетките. Колку повеќе кислород има во мускулите, толку повеќе се намалуваат мастите. Се наоѓа во месото, спанаќ, грашок. Потребно е и внесување витамин Ц за да се апсорбира железото.
Магнезиум- одговорен е за произведување енергија, сила и флексибилност на мускулите. Недоволен внес може да предизвика грчеви и болки. Магнезиумот исто така го одржува крвниот притисок нормален и го регулира шеќерот во крвта, и двата се неопходни за намалување на тежината.
- Одмор- на телото му е потребно доволно одмор за да може нормално да ги извршува сите функции. Тоа значи доволно спиење, минимум 6-8 часа. Во текот на спиењето се регенерираат истоштените мускули и ќе бидете спремни за активностите за следниот ден. Енергијата, фокусот и расположението ќе ви се подобрат, кои се клучни во целиот процес на слабеењето.
